Polyeto sa SONA 2025

SA IKAAPAT NA SONA NI BBM

WAKASAN ang "BULOK na Pilipinas'

ITAKWIL ang REHIMENG MARCOS JR.

Ikaapat na SONA ni BBM sa darating na Hulyo 28, 2025. Tatlong taon na rin bigo ang mga pangako ng 'BAGONG PILIPINAS'. Mahigit dalawang taon na lang ang nalalabi sa rehimeng BBM at ni isang larawan ng pagbabago ay wala pang nalalasap ang masang Pilipino.

Hindi lang bigo ang rehimeng BBM sa kanyang pangako kundi 'BULOK na Pilipinas' ang hatid nito na panunungkulan sa...

'Bulok na Pilipinas' dahil mataas pa rin ang presyo ng mga bilihin at batayang serbisyo habang patuloy na barat at hindi sapat ang sahod ng mga manggagawang Pilipino. Aabot sa 2% ang inflation rate ng bansa, tumataas ng 2% ang presyo ng lahat ng mga batayang pangangailangan sa bansa. Tampok ang presyo ng bigas na nananatiling P41/kilo. Pati ang presyo ng gulay, isda, karne, maging presyo ng kuryente, krudo at tubig ay patuloy sa pagsirit. Habang ang sahod sa kabila ng barya-baryang umento ay hindi kayang makabawi man lang sa patuloy na pagtaas ng presyo ng mga bilihin. Ang kasalukuyang minimum wage sa NCR na P695 ay may P681 lang na tunay na halaga.

'Bulok na Pilipinas' dahil patuloy ang paglaki ng kakulangan sa pondo ng bayan. Ngayong unang 5-buwan ng 2025, umabot na sa hp523.9 Bilyon ang kakapusan sa kaban ng bayan. Noong 2024, umabot ito sa P1.5 Trilyon. Kasabay sa paglobo ng kakulangan ay ang todo sirit din ng utang ng bansa. Ngayon Abril pa lang umabot na sa Php16.75 ang utang ng bansa at tinatayang aabot ito sa Php 17 Trilyon sa dulo ng 2025. Masaklap, para ibsan ang krisis sa pananalapi ng rehimeng BBM, todo-todo naman ang pagpiga ng buwis sa mamamayan. Hindi na kuntento sa VAT sa bilihin at digital na transaksyon, pati kita o interes sa savings ay binuwisan pa ng 20% ng gobyerno habang payag naman ito sa 0% taripa sa mga imported na produkto.

Larawan din ng 'Bulok na Pilipinas' ang lumalala at wholesale na katiwalian at korapsyon sa kaban ng bayan sa anyo ng budget insertions sa Bicam, pagpapatuloy ng confidential at intelligence funds at unprogrammed funds, na ginagamit na pang-ayuda at panunuhol sa kampanya ng mga trapo at dinastiya. Ayon sa konserbatibong pagtaya ng World Bank, mahigit sa Php 130 Bilyon ang nawawala sa kaban taun-taon dahil sa katiwalian at korapsyon.

'Bulok na Pilipinas' ang ibinunga sa ating ekonomiya. Lugmok pa din ating ekonomiya. Naghihingalo at matumal pa rin ang ating ekonomiya. 5.4% lamang ang inilaki ng GDP, 1% lang ang inilaki nito kumpara sa nakaraang 2024 sa kabila ng lubusang liberalisasyon, pribatisasyon at deregulasyon ng ekonomiya. Ang resulta ng pakikipag-usap kay US Pres. Donald Trump ay patunay din sa kabulukang ito. Talo ang ekonomiya at mamamayan sa resulta ng US visit ni BBM, pumayag ito sa 0% taripa para sa mga produktong ipapasok ng US habang 19% ang taripa naman sa mga produkto ng bansa ang iniluluwas sa US. Babaha ang mga imported na produkto ng US sa bansa na wala tayong kikitaing buwis habang papatawan ng 19% buwis sa mga produkto natin sa US, magreresulta ito ng pagkawala nang mahigit na Php 32 Bilyon taun-taon sa ating kabang yaman. Talo na tayo sa kita, papatayin pa nito ang naghihingalong lokal na ekonomiya laluna ang agrikultura at manupaktura.

'Bulok na Pilipinas' ang inabot natin dahil marami pa ring hikahos at nagugutom. Ayon sa SWS, 50% ng mga Pilipino ay itinuturing ang sarili na mahirap habang 20% ng mga Pilipino ay nakakaranas ng pagkagutom. Dahil ito sa lalong lumakas na kapangyarihan ng mga pampulitikang dinastiya at pangingibabaw ng interes ng mga oligarkiya sa ekonomiya ng bansa. Ayon sa Rappler, 18 malalaking dinastiya ang nakaluklok mula Kongreso hanggang mga pwesto sa lokal na pamahalaan. Sa Senado, 4 na pamilyang dinastiya ang nakaupo sa ika-20 Kongreso. 15 Bilyonaryo din lang ang may kontrol sa ekonomiya at nagpipyesta sa 80% ng likhang yaman ng bansa.

'Bulok na Pilipinas' ang mahigit na tatlong taon ni BBM, sa ilalim ng kanyang rehimen muling lumakas ang impluwensya at kapangyarihan ng imperyalistang US sa bansa. Sa ilalim ng kanyang administrasyon, 4 na bagong base militar ng US sa ilalim ng EDCA ang naitayo. At ngayon sa kanyang pagbisita at pakikipagpulong kay Trump ay inihayag nito ang pagpayag sa pagtatayo ng pabrika at imbakan ng armas sa Subic sa Zambales. Lalo nitong paiigtingin ang desisyon ng tensyon sa pagitan ng Tsina at Pilipinas. Muli tayong inilagay sa bingit ng giyera at digmaan dahil sa pag-igting ng militarisasyon sa West Philippine Sea habang umiinit ang hidwaan sa pagitan ng US at Tsina.

'Bulok na Pilipinas' ang sinapit ng ating bansa dahil sa gitna ng taunang kalamidad at pagiging tagapangulo ni BBM sa Loss and Damage Committee, patuloy ang pagkasira ng kalikasan bunga ng malawakang kumbersyon, reklamasyon at pagmimina habang patuloy na pinapayagan at pinapalawak nito ang operasyon ng mga marumi at nakakapinsalang enerhiya sa anyo ng COAL-FIRED POWER at LIQUIFIED NATURAL GAS (LNG) na lalong nag-aambag hindi lamang sa lalong pagtaas ng temperatura ng daigdig, sa paglikha ng matinding kalamidad kundi maging sa dislokasyon at kahirapan sa mga kanayunan.

Lalong 'Bulok na Pilipinas' dahil hindi magawa ni BBM ang mapagpasyang resolusyonan ang pagpapanagot kay Sara Duterte sa kabila ng malawak na panawagan at malinaw na pananagutan nito sa paglustay sa pondo ng bayan. Ang pagbasura ng Korte Suprema sa impeachment laban kay Sara ay patunay ng kabulukan ng umiiral na gobyerno. Sa 'Bulok na Pilipinas' ni BBM walang pagpapanagot sa mga mandarabong!

'Bulok na Pilipinas' ang ibinunga ng paghahari ng rehimeng Marcos dahil nagpapatuloy ang maka-kapitalista, maka-asendero, at maka-imperyalistang tunguhin at programang ipinatutupad sa bansa. Kung mananatili at hindi tutulan ay ihahatid tayo ng rehimen hindi lang sa kahirapan at kagutuman kundi pagyurak at pagkakait sa karapatang pantao at hustisyang panlipunan/

Hindi palakpakan at pagpuri sa rehimeng BBM ang dapat na isalubong sa ika-4 na SONA dahil KABULUKAN ang HINATID nito sa bansa. Bagkus, dapat SINGILIN at PANAGUTIN ito sa patuloy na kahirapan, gutom, dislokasyon, pagkasira ng klima't kalikasan, at panunupil sa mamamayan. Walang ibang solusyon sa kabulukang dinaranas ng bansa kundi WAKASAN at ITAKWIL ang rehimeng BBM.

Tugunan ang Masa: Trabaho, Sahod, Kabuhayan at Karapatan!

Wakasan ang Katiwalian at Pampulitikang Dinastiya!

Tutulan ang Imperyalistang Paghahari at Giyera!

Marcos-Duterte Panagutin!

Itakwil ang Rehimeng Marcos Jr.!

SANLAKAS - BMP - PLM - Oriang - AMA - KPML - ZOTO - SPARK

Hulyo 2025

Mabuhay ang mga vendor!

MABUHAY ANG MGA VENDOR!

mabuhay silang maninindang anong sipag

na trabaho't kostumer ang inaatupag

upang kumita, upang buhay ay di hungkag

at naglalako sa maghapon at magdamag

hanggang maubos ang kanilang tinitinda

mga simpleng kakanin, payak na meryenda

upang mabusog kahit paano ang masa

upang buhayin din ang kanilang pamilya

salamat sa mga vendor na nabubuhay

sa trabahong marangal, mabuhay! mabuhay!

sa inyong lahat, taasnoong pagpupugay!

dahil naaalpasan ang gutom at tamlay

mura lang subalit nabubusog na kami

kaya madalas, sa tinda n'yo'y nawiwili

habang naritong nagpapatuloy sa rali

upang sa uri at sa bayan ay magsilbi

- gregoriovbituinjr.

07.25.2023

* litratong kuha ng makatang gala sa pagkilos sa SONA, 07.24.2023

Pahayag ng KPML sa ikadalawampung anibersaryo ng Metro Manila Vendors Alliance (MMVA)

PAHAYAG NG KPML SA IKA-20 ANIBERSARYO NG METRO MANILA VENDORS ALLIANCE (MMVA)

Agosto 30, 2022

Mahigpit na nakikiisa ang Kongreso ng Pagkakaisa ng Maralitang Lungsod (KPML) sa pag-alala sa ikadalawampung anibersaryo ng Metro Manila Vendors Alliance (MMVA) na nabuo dahil sa matinding pagmamalupit at pagdurog sa maraming manininda sa bangketa (sidewalk vendors) sa pamumuno ni Bayani Fernando, na kilala bilang BF, na noong panahong iyon ay hepe ng Metro Manila Development Authority (MMDA). Nabuo ang MMVA noong Agosto 30, 2002 sa Delaney Hall ng UP Chapel sa Diliman. Ang unang halal na pangulo nito ay ang namayapang si Ka Pedring Fadrigon, na naging pangulo ng KPML mula 2004 hanggang 2019, at matagal na namuno sa Samahan ng Makabayang Manininda sa Fabella (SAMANA-FA) sa Mandaluyong. 

Sa ngayon, sa patnubay ni Tita Flor Santos, pangulo ng Oriang Women’s Movement, ang MMVA ay naging matatag at patuloy na lumalawak upang ang mga karapatan at kagalingan ng mga vendors ay mapangalagaan at maipaglaban. Ang vendors ay mararangal!

Ang mga vendor o yaong maliliit na manininda sa bangketa na walang pwesto sa palengke ay may karapatang mabuhay ng marangal, tulad ng mga malalaking negosyante at kapitalista. Nabubuhay sila sa pagtitinda upang itaguyod ang kanilang pamilya, makakain ng tatlong beses isang araw, at mapag-aral ang kanilang mga anak. Ang ginawa ni BF ay pagyurak sa kanilang dangal, at paninikluhod sa mga kapitalista at negosyanteng may pwesto sa palengke upang makopo ng mga ito ang pamilihan, habang iniitsapwera ang dukhang pilit pinagkakasya ang karampot na kita sa pagtitinda. Kumbaga, buhay na isang kahig, isang tuka. Karamihan sa vendors ay wala ring maayos na bahay at nakatira sa mga danger zones.

Sa patuloy na pakikibaka ng mga vendor, mula man sa MMVA o hindi, ang KPML ay kasama nila at kapatid sa pakikibaka para sa maayos nilang pagtitinda nang hindi ginagamitan ng dahas. Taas-nooo at taas-kamao kaming nagpupugay sa lahat ng mga manininda, at sa dalawang dekada nang pag-iral ng MMVA! Mabuhay kayo, mga kasama! Tuloy ang laban!

Pahayag ng KPML sa International Street Vendors Day

PAHAYAG NG KPML SA INTERNATIONAL STREET VENDORS DAY

(Pandaigdigang Araw ng Maglalako sa Lansangan)

Nobyembre 14, 2020

Ang ika-14 ng Nobyembre ang araw kung saan ipinagdiriwang ng mga naglalako sa kalsada mula sa iba’t ibang panig ng daigdig mundo ang kanilang pakikibaka at lakas. Dito sa Pilipinas ay naitatag noong Agosto 30, 2002 ang Metro Manila Vendors Alliance (MMVA) upang labanan ang pagpapalayas sa kanila ng Metro Manila Development Authority (MMDA).

Ang unang pangulo ng MMVA ay ang namayapa nang si Ka Pedring Fadrigon na dating pangulo ng Kongreso ng Pagkakaisa ng Maralitang Lungsod (KPML). Kaya mahigpit na nakikiisa ang KPML sa lahat ng mga naglalako sa kalsada, lalo na yaong walang pwesto o nakikipwesto subalit hahabulin ng mga pulis pag nakita.

Sa ngayon, dapat magkaisa ang lahat ng mga vendor, hindi lamang sa Metro Manila, kundi sa iba’t ibang panig ng mundo, upang igiit at mapagtibay ang ILO convention 190 on the Elimination of Violence and Harassment in the World of Work.

Mahalaga ito para sa mga impormal na manggagawa sa ekonomiya sa buong mundo, dahil ang isang malaking porsyento ng mga nagtitinda sa lansangan at merkado ay patuloy na nakaharap sa lahat ng uri ng panliligalig at karahasan sa kanilang pagtatrabaho araw-araw.

Hinihiling namin ang agarang paghinto ng mga kalupitan at karahasan ng pulisya na ginagawa ng Estado araw-araw laban sa mga vendor, dahil hindi kriminal, kundi marangal na trabaho ang pagtitinda.

* Ang pahayag na ito ay unang nalathala sa Taliba ng Maralita, ang opisyal na publikasyon ng Kongreso ng Pagkakaisa ng Maralitang Lungsod (KPML), isyu ng Nobyembre 1-15, 2020, pahina 7.

Maging makatao sa mga vendor

sa pagtrato sa vendor, sana'y maging makatao
at huwag silang itaboy na akala mo'y aso
sila'y maninindang ayaw magutom ang pamilya
nagtatrabahong marangal tumubo man ng barya
sino ba ang may gustong ang bangketa'y maharangan
kung may maayos lamang silang mapagtitindahan
kaya huwag silang tirising parang mga ipis
pagkat nagtatrabaho rin ng patas at malinis
susunod din sa batas, huwag silang dinarahas
nais lamang nila'y makapagtinda ng parehas
makakain ng sapat tatlong beses isang araw
kahit kumayod ng kumayod na tila kalabaw
nawa mga vendor ay protektahan ng gobyerno
kahit vendor sila'y marunong ding magpakatao
- gregbituinjr.

Solidarity Message sa BMP Congress

MENSAHE NG PAKIKIISA NG METRO MANILA VENDORS ALLIANCE (MMVA) 

SA IKA-8 KONGRESO NG BUKLURAN NG MANGGAGAWANG PILIPINO

Isang taos-puso at taas-kamaong pakikiisa ang ipinaaabot ng Metro Manila Vendors Alliance (MMVA) sa Ikawalong Kongreso ng Bukluran ng Manggagawang Pilipino (BMP)!

Kami, mga sidewalk vendors, kumakatawan sa malaking bilang ng maliliit na manininda sa mga bangketa, ay mahihirap. At dahil sa kahirapang ito, kami ay naobligang sumuong sa isang klase ng hanapbuhay na sa tingin namin ay marangal ngunit karaniwang kami'y hinahabol na para bagang hindi makatao ang pagtitinda. Kung hindi dahil sa kahirapan, hindi kami magtitiis magbilad sa araw at magpuyat sa magdamag, sumuong sa iba't ibang klase ng panganib at pang-aabuso mula sa kamay ng sindikatong pulisya at mga tiwaling opisyal ng pamahalaan, mapagdugtong lamang ang aming buhay sa araw-araw.

Kung hindi dahil sa kahirapan, sana'y mas marangal naming binubuhay ang aming mga pamilya at sanay nakapag-aambag ng kontribusyon sa pormal nating ekonomya gaya ng iba pa naming kababayan na nakakaangat sa buhay. Ganunpaman, hindi maikakaila ang katotohanan na kung hindi dahil sa impormal na industriyang ito, sana'y mas higit na mabigat ang pasaning problema ng ating bansa. Dahil sa aming bahaging kontribusyon sa tinatawag na underground economy, na ayon sa mga ekonomista, ay kumakatawan sa halos 30% hanggang 40% ng ating Gross Domestic Product (GDP), nagagawang makaraos ng ating ekonomya sa kabila ng malaking kapabayaan ng pamahalaan. Kung hindi sa aming pagtitiis at pagtityaga sa ganitong hanapbuhay, mas lalo sanang lumobo ang unemployment rate sa bansa na sa ngayon ay umaabot na sa limang milyon.

Noong Agosto 30, 2002, kasamang nagtayo sa Metro Manila Vendors Alliance (MMVA) ang Bukluran ng Manggagawang Pilipino (BMP). At kasama namin ang BMP sa aming mga pakikibaka hanggang ngayon. Kaya kaming mga nasa impormal na sektor ay mahigpit na nakikiisa sa mga manggagawang Pilipino sa lahat ng pakikibaka nito para sa isang lipunang makatao.

Nawa'y patuloy tayong magkaisa lalo na't tumitindi ang kalagayang pampulitika sa ating bansa, lalo na ngayong pagtaas ng presyo ng mga bilihin dahil sa bagong batas na TRAIN (Tax Reform Acceleration and Inclusion), at samutsari pang problema lalo na ang paglabag sa karapatang pantao.

Mabuhay ang Ikawalong Kongreso ng Bukluran ng Manggagawang Pilipino (BMP)!

- Mula sa pamunuan at mga kasapi ng Metro Manila Vendors Alliance (MMVA)

Stop evictions in the name of World Cup football!

Taas-noo at taas-kamaong nakikiisa ang mga maralita at manininda mula sa Pilipinas upang ipagtanggol ang mga kapwa vendors at maralita ng India na tatamaan ng ebiksyon sa ngalan ng World Cup football. Ang aming kapwa maralita ay may karapatan ding dapat tamasahin at hindi dapat basta palayasin at itaboy na lamang na parang mga daga. Kailangan ng wastong proseso at igalang ang kanilang karapatang pantao.

We in the Metro Manila Vendors Alliance in the Philippines join the call to:

Stop evictions in the name of World Cup football!

Nasa ibaba ang pahayag ng isang taga-India na dapat nating suportahan, at ating ipakita ang ating suporta sa pamamagitan ng pagbahagi ng pahayag na ito at paglagda sa kanilang petisyon na nasa kawing o link na:

https://www.change.org/p/fifa-stop-evictions-in-the-name-of-world-cup-football?recruiter=23915254&utm_source=share_petition&utm_campaign=share_page&utm_medium=whatsapp

Stop evictions in the name of World Cup football

by sushovan dhar kolkata, India

While FIFA under-17 world cup makes its way to India, the poor around the Vivekananda Yuva-Bharati Krirangan at Kolkata, West Bengal - where a total of 10 matches will be played, including the Final between 8 and 28 of October 2017 – make their way out to accommodate this spectacle.

A huge number of street vendors and hawkers, temporary hutment dwellers and other marginal wage-earners are evicted to "beautify" a vast area around the said stadium. A ruthless demolition of informal settlements and street vendors in the city is being carried out without rehabilitation leading to the extensive displacement of individuals and communities from their homes and habitats. These operations are being conducted by the government through two local municipal bodies namely, Kolkata municipal corporations and Bidhannagar municipal corporations.

The poor and the marginalised of the area are left homeless and destitute, without means of earning livelihood. Since there is no resettlement, people are forced to spend nights under open skies. Consequently it's associated with physical and psychological injuries to those affected with specific impacts on women, children, persons already living in extreme poverty, indigenous peoples, religious minorities and other disadvantaged groups. The number of people getting evicted has already risen up to 100,000, amongst majorities are slum dwellers and street vendors. These expulsions clearly constitute gross human rights violations with dramatically increased rate of magnitudes.

Sign this pledge to demand the government of West Bengal to stop all evictions on the pretext of “beautification” for the FIFA U-17 world cup football.

FIFA claims to adhere to all UN Human Rights Conventions. Even its own Human Rights Policy says “While recognising that land acquisition is primarily the responsibility of the government hosting the respective competition or of the respective member association responsible for the project, FIFA expects and promotes the respect of international human rights standards where land acquisition involves expropriations and in particular where people are resettled in the process." However, the organisation chose to be silent on this large scale displacement.

Sign the pledge to tell FIFA that it must respect its own commitments.

This eviction is also a violation of Street Vendors (Protection of Livelihood and Regulation of Street Vending) Act, 2014 passed in the Indian parliament to protect the livelihood of millions of street vendors and hawkers across the country and various international conventions like CEDAW, ECOSEC, etc. which clearly rules out any eviction.

Sign this pledge to demand proper rehabilitation for all those who are already evicted.

This petition will be delivered to:

FIFA

ica-dept@wb.gov.in